Palaban ang mayor sa lungsod sa Opol nga si Mayor Maximo Seno human sa kontrobersyal nga isyu sa multi million pesos nga theme park sa ilang lungsod. Hugot nga magpaluyo matud pa ang mayor sa Seven Seas Waterpark Resort. Kini may kabahin sa legal nga kaso nga ginaatubang niini batok sa Department of Environment and Natural Resources kun DENR.
Gumikan niini matud pa ginganlan na karon ni Seno ang leader nga nagpaluyo sa grupo nga gustong mookupa sa iligal nga pamaagi sa maong property nga mao si Pacita Doydora Panis.
Gusto matud pa sa grupo ni Pacita nga mangayo ug hatagan ug usa ka ectarya nga bahin gikan sa tag-iya sa maong 59 hectares nga luna nga mao ang Sarmiento family.
Gidoulan matud pa si Seno sa maong indibidual nga kauban sa grupo ug nagpatabang sa maong kahimtang ug nga nagpaila isip usa ka leader sa Higaonon gikan Bukidnon nga napildi sa kaso kontra LS Property INC. sa regional trial court.
Dili matud pa musot ang mayor nga sa hangyo sa maong grupo gumikan kay kabalo sya kung kinsa ang legal nga tag-iya sa maong property ug kauban niya ang tanang local nga mga opisyales aron musoporta usab sa Seven Seas ug batokna ang bisan unsa man nga lihok aron ipasira ang nabantog na karon nga waterpark.
Kahinumduman nga gikwestyon sa DENR ang titulo sa maong yuta gumikan kay usa kini matud pa usa ka “timberland” ug nga dili pwedeng panag-iyahan. Hinoon sa pagkakaron wala pay order gikan sa DENR ug sa Court of Appeals nga ipasira na ang maong theme park.
