Mayor sa Tagoloan, Misamis Oriental, andam mo-imbestigar sa kaso batok maestro sa Tagoloan Community College

2311
PC: RadyoMaN Jao Gumapac

Nagmugna na og lakang ang Mayor sa Tagoloan, Misamis Oriental aron maoy mo-imbestiga sa administrative case batok sa maestro sa Tagoloan Community College kon T-C-C nga naghanggat og pakighilawas sa iyang mga studyante.

 

Kini ang gibutyag ni PO2 Jackielou Malagamba, ang imbestigador sa Tagoloan Municipal Police Station.

 

Matud ni PO2 Malagamba, nga nakadesisyon ang mga estudyante nga dili una ipasaka ang criminal case batok ni Mr. Roger Anthony Gamale hangtud nga aduna nay resolusyon ang admin case.

 

Dugang pa ni PO2 Malagamba nga kini nga lakang gipangunahan ni Kagawad/Atty. Alpante, kapolisan sa Tagoloan, ug ang student affairs sa T-C-C.

 

Samtang ipahigayon karong adlawa ang 2nd hearing sa kaso sa mga estudyante.

 

Matud ni PO2 Malagamba nga ilang gipahigayon ang unang hearing, niadtong Marso otso ning tuiga sa munisipyo sa Tagoloan, Misamis Oriental.

 

Dugang pa ni PO2 Malagamba nga atol sa gihimong hearing, anaa ang presensiya sa lima ka estudyante nga misumbong Mr. Roger Anthony Gamale.

 

Alang kang PO2 Malagamba nga dili manumbong ang nasangpit nga mga estudyante kung wala kini nahitabo kanila kay magdala kini og kaulaw sa ilang pagkatawo.

Facebook Comments