Nalipay si Talisay City Mayor Eduardo Gullas sa
ka-prangka ni Presidente Rodrigo Duterte labot sa seryosong problema sa drugas sa maong dakbayan.
Matud ni Gullas modasig kini sa mga opisyal ug kapolisan sa syudad sa pagdoble sa ilang paningkamut nga masumpo ang negosyo sa drugas sa syudad .
Atol sa mensahe sa Presidente atubangan sa mga mayor sa Kabisay-an, wa ni magpanagana sa pagtumbok sa Talisay nga “hotbed” sa drugas.
Subay niini , gihagit ni Gullas ang kapolisan nga mohimo ug dugang mga operasyon batok sa mga drug personalities sa dakbayan .
Nagplano usab ang mayor nga magtukod ug dugang mga substations sa kapolisan aron kadugangan ang police visibility sa kabarangayan .
Sa pikas bahin nasagmuyo usab si Gullas sa pagtawag ni Mayor Tomas Osmeña kaniya ug “lousy” nga mayor , usa ka adlaw human gitumbok ang Talisay nga daghan ug drugas .
“Usa ta molabay ug lapok ug lapok sa atong silingan, tan-awon nato pag-ayo ug limpiyo ba pud ta,” matud ni Gullas sa pagsaway ni Osmeña kaniya.
