Davao City – Adunay basehan ang pagduso og petisyon sa mga residente sa Barangay 8-A batok sa United of the Church of Christ of the Philippines (UCCP) Haran Center sa pagpauli sa mga Lumad ngadto sa ilahang mga pinuy-anan.
Kini matud pa kang Davao City Mayor Inday Sara Duterte-Carpio.
“I don’t know unsay basehan sa ilang signature campaign basta sigurado ko naa gyud nay basehan because dili gyud na basta-basta ang isa ka grupo sa mga tao or isa ka barangay nga magpahigayon og signature campaign,” segun ni Mayor Sara.
Samtang sumala ni Barangay 8-A Kapitan Ariel Lagmay, nakadawat sila og petition letter gikan mismo sa mga residente kinsa nabalaka sa ilahang health safety ug niapelar sa pagpauli na sa mga Lumad sa ilahang gigikanan.
Nagsumikad usab ang maong signature campaign human nga adunay 8 months ug 3 months old nga mga batang namatay sulod sa maong pasilidad.
Sa pikas bahin, wala pay tubag nga gipagawas ang grupong PASAKA-SMR kabahin sa petisyon sa Barangay 8-A.
RadyoMaN Aimee Guinita
