Davao City – Daghang pagtulun-an ang nakutlo sa pila ka mga trahedya nga niigo sa Davao City una pa man nisulod ang tuig 2018.
Atol sa ika-15 nga anibersaryo sa Araw ng Buntis nga gipahigayon dinhi sa dakbayan sa Davao nitunol si Davao City Mayor Inday Sara-Duterte Carpio og mensahe sa tanang mga mabdos nga nisalmot sa maong aktibidad.
Sumala ni Mayor Inday gikinahanglan nga preparado ang mga inahan sa mga kalamidad susama sa nahitabong grabeng pagbaha sa nagkadaiyang parte sa syudad niadtong Bagyong Vinta, Sunog sa NCCC Mall, sunog usab niadtong bag-ong tuig ug daghan pa.
Segun sa alkalde bililhon kung nasayod ang matag usa sa pagahimuon ug hitsas na una pa man nga adunay mahitabo aron malikayan nga adunay mga kinabuhing makalas.
Tambag usab niini sa tanang buntis nga mag-amping, magpabiling positibo aron himsog ang ilang gibuntis nga mga bata.
Nagpasalamat usab si Mayor Sara sa Philippine Obstetrical and Gynecological Society (POGS) Inc. sa pagpahigayon niini nga klase nga aktibidad nga makatabang ngadto sa tanang mga mabdos panahon sa kalamidad.
RadyoMaN Aimee Guinita
