Gipasabot sa alkalde (sa interbyu sa city-owned radio) nga nagpabiling dili mandatory o walay pinugsanay ang vaccination batok Coronavirus Disease 2019 (COVID-19) sa Pilipinas hinungdan nga walay rason nga magbaton sa maong card alang sa mga bakunado batok COVID-19.
“Wala poy ingon ana, (COVID-19) vaccination exemption cards. Mga kaigsoonang kong Dabawenyo, dili po ‘ta magpaliba, dili po ‘ta magpa-atik sa mga ingon ana because number one, dili po mandatory and vaccination sa COVID-19 diri sa atong nasud. There is really no need nga magkuha mo og vaccination exemption card,” sulti sa mayor.
Matud ni Mayor Sara, posibleng adunay bayad ang maong vaccination exemption card o kung wala man, mamahimong magamit ang detalye o personal information sa mag-apply alang niini.
Sa pagkakaron, nakig-alayon na ang lokal nga panggamhanan ngadto sa Anti-Scam Unit sa pagmonitor kung adunay nagagamit o nagahimo sa maong iligal nga dokumento dinhi sa dakbayan aron kini gilayong maaksyonan.
RadyoMaN Kirby Manzon
