Davao City – Gikabalak-an sa Davaoeños nga mas pahugtan pa ang mga health protocols sa sunod nga tuig ug magpabiling kontrolado ang lihok sa tao gumikan sa Coronavirus Disease 2019 (COVID-19) pandemic.
Nasayran nga gipahibalo ni Davao City Mayor Sara Duterte-Carpio nga lauman na sa katawhan nga epektibo gihapon ang mga ginapatumang protocols batok sa COVID-19 sa sunod nga tuig.
Kini human nga aduna usay mga naglaum nga adunay pagpaluag sa measures batok COVID-19 sa 2021 partikular na dinha sa panagtapok-tapok kun mass gatherings.
“Ang ilahang ma-expect is that there will still be a limitation sa mass gatherings because the (COVID-19) pandemic will still be there next year. Tibuok year sa 2021 naa gihapon ang pandemic,” matud sa Alkalde.
Una na nga gibutyag ni Mayor Sara nga taas-taas nga pasensya ang kinahanglan sa publiko labi na wala pay bakuna batok sa COVID-19.
RadyoMaN Kirby Manzon
