Davao City – Gipangsugat ni Davao City Mayor Inday Sara Duterte-Carpio ang mga misalmot sa Parada Dabawenyo. Miabot ang inahan sa dakbayan bandang alas-9 sa kabuntagon sa San Pedro Square ning dakbayan sa Davao. Subay niini, nagpasalamat ang mayor sa katawhan nga misalmot sa mga aktibidad atol sa kasaulogan sa 81st Araw ng Dabaw. Nagpasalamat sab si Mayor Duterte sa lokal nga panggamhanan ug sa mga security forces nga nagbantay sa seguridad sa dakbayan niini nga selebrasyon. Sa iyang gihatag nga speech, gihatagan og hibug-aton ni Mayor Sara ang importansya sa pagtinabangay sa tanan mga Dabawenyo aron makab-ot ang kalinaw sa syudad. “Ang atoang kusog dinhi sa syudad sa Davao dili ang atoang yuta, dili ang atoang mga dalan, mga building kun dili ang mga Dabawenyo”, segun sa mayor. Sa pagkakaron nagpadayon gihapon ang parada diin gipartisipahan kini sa kapin 300 ka mga contingents nga nagsugod ganinang alas-6 sa kabuntagon. RadyoMaN Abi Bibera tags: dxdc 621 davao
