Davao City – Nagpahimangno si Davao City Mayor Sara Duterte-Carpio sa mga nagahimo og solicitation ug fundraising activities sa iyang kandidatura alang sa 2022 Elections diin kini dili otorisado ug walay pagtugot kaniya.
Naghatag og warning ang alkalde sa publiko batok sa mga aktibidad sa government employees o private individuals pinaagi sa pagpangayo og kwarta sa contractors ug businessmen isip contributions.
Mag-amping usab ang katawhan sa mga indibidwal nga naga-claim nga in-charge sa fund-raising ug naga pangayo og kwarta sa contractors o businessmen.
Wala usay kamatuoran ang mga indibidwal nga nagpakaron-ingnon nga empleyado sa City Government of Davao ug nagapangayo sa contractors ug businessmen og money contributions.
“Please be warned that there is no fund-raising activity or campaign money solicitation for my benefit. All these activities are unauthorized and without my permission,” tipik sa pamahayag sa alkalde pinaagi sa City Government of Davao Facebook page.
Gipahimangnoan ang publiko nga dili muhatag og kwarta o unsang matang sa donasyon ug gilayong i-report ang nahisgutan sa pinaagi sa davaocitymayor@gmail.com email address o direktang makig-alayon sa National Bureau of Investigation (NBI) ug Davao City Police Office (DCPO).
RadyoMaN Kirby Manzon
