Sumala sa alkalde (sa interbyu sa city-owned radio), dili basta-basta nga muinom lang og Molnupiravir nga walay pagtugot sa doktor.
“Mag-remind lang ’ta sa tanan, this drug (Molnupiravir) is under a compassionate use. I think wala pa siya naka EUA (Emergency Use Authorization). So, buot pasabot, very strict ang criteria kung kinsa pwede ang mugamit ani nga tambala ni. Dili mo dapat mag self-medicate with this medicine even if duna moy access ani nga medicine,” tataw sa mayor.
Sa pagkakaron, adunay 2,000 bottles sa Molnupiravir ang City Government of Davao diin gi-turn na ang 1,000 bottles sa Southern Philippines Medical Center (SPMC).
Samtang, ang nahibiling 1,000 bottles itagana sa ubang hospital, Temporary Treatment and Monitoring Facilities (TTMFs) ug kadtong anaa sa home isolation nga nagkinahanglan niini base sa rekomendasyon sa doktor.
Gipaningkamutan usab karon sa lokal nga gobyerno ang dugang procurement sa medisina o tambal batok COVID-19 nga kinahanglanon sa dakbayan.
RadyoMaN Kirby Manzon
