Davao City – Mas maayo sumala pang mag palit og gamit nga mahal apan kalidad kaysa sa gamit nga barato apan maoy hinungdan sa mga insidente sama sa sunog.
Kini ang tambag ni Davao City Mayor Sara-Duterte Carpio sa pakighinabi sa Davao media kaniya.
Gihulagway niini ang pagpalit og mga gamit nga barato apan maka ugdaw lamang sa imong balay diin grabe ka dako ang mamahimong damyos. Mas maayo sumala pa kung bahala’g mahal basta makasiguro ka nga kini dili delikado gamiton.
“If you have a P500 electric fan, and then ang masunog niya sa inyuha is worth more than P500, ingon na lang nato P25,000, di mupalit na lang ka og branded nga electric fan para makapanigurado ka nga dili sya madaot, mag overheat or masunog.” tambag niini
Dugang pa sa alkalde nga mas maayong masiguro nga luwas kini alang kanimo, sa pamilya ingon man sa imong kabtangan.
“Kung naa kay gamit, nganong mupalit man ka og kanang madelikado ang imong kinabuhi, madelikado ang imuhang pamilya, madelikado ang imuhang investment sa imong personal belongings?” segun niini
RadyoMaN Kirby Manzon
