Mayor Sara: “No bakuna, no bonus” dili ipatuman

57

Davao City – Makadawat gihapon og Christmas bonus ang mga empleyado sa City Government of Davao bisan og kadtong wala pa nakapabakuna batok Coronavirus Disease 2019 (COVID-19).

Kini ang giklaro ni Davao City Mayor Sara Duterte-Carpio (sa interbyu sa city-owned radio), apan gisaysay niini nga dili na mamahimong prayoridad sa hiring sunod tuig 2022 partikular na kadtong job order ug contract of service nga mga empleyado nga dili pa fully vaccinated.

“Wala ‘tay ingon ana nga policy sa Davao City Government nga “No bakuna, no bonus”, but ang sa atoa is that kadtong mga dili fully vaccinated, they will not be prioritized for hiring sa January 1,” sulti sa mayor.


Samtang, gibutyag sa alkalde nga alang sa plantilla o regular employees, aduna nay legal opinion nga mamahimo nga ma-reprimand sa trabaho ang nahisgutan kung sila dili magpabakuna.

Ilawom sa Executive Order (EO) No. 45 Series of 2021, aduna usay exemption sa vaccination kung ang usa ka empleyado nasulod sa guidelines sa Department of Health (DOH) nga dili mamahimong bakunahan ilabina kung adunay medical reasons.

Sa pinaka ulahing datus, gibutyag ni Duterte-Carpio anaa na sa 18,564 ang vaccinated nga empleyado sa City Government of Davao.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments