Davao City – Gimandoan ni Davao City Mayor Sara Duterte-Carpio ang Davao City Police Office (DCPO) nga pakusgan ang operasyon batok sa mga nagabaligya og bino kun ilimnong makahubog tungod sa mga reports nga aduna gihapoy mga nagabaligya luyo sa pagdili niini dinhi sa dakbayan Davao.
Matud ni Mayor Sara (sa interbyu sa city-owned radio) padayon gihapong ipatuman ang 24-hour liquor ban sa syudad sa Davao aron nga malikayan ang panagtapok kun mass gathering panahon nga itugot ang pagbaligya ug pagpalit sa bino.
“Sa pagkakaron, wala pa pud ‘tay discussion to lift the liquor ban (sa Davao). We have to understand na when liquor is available sa mga sari-sari store in communities, the tendency of people is to buy and gather. We will ask the Davao City Police Office to intensify their operations against kaning mga nagabaligya og ilimnong makahubog,” matud sa alkalde.
Dugang sa alkalde, angay usab nga pakusgan sa kapulisan ang operasyon batok drunk-driving human midayo sa mga lugar gawas sa Davao og didto nag-inom.
Nasayran nga daghan ang mga nanawagan nga wagtangon na ang liquor ban, apan wala kini gitugtan ilabi na nga padayon gihapon ang pagsaka sa kaso sa Coronavirus Disease 2019 (COVID-19) sa syudad sa Davao.
RadyoMaN Kirby Manzon
