Sa interbyu sa city-owned radio sa alkalde, gipasabot niini nga isip usa ka inahan, mamahimong walay kapuslanan ang bakuna sa bata kung magpundo ra gihapon kini sa balay.
“This is my personal stand. This is not the stand of the City Mayor’s Office of Davao. Ang akong mga anak dili nako ipabakuna kung dili ninyo na ibalik ang face-to-face (F2F) classes. Dapat ibalik na ninyo ang F2F classes so that mapuslan ang bakuna sa mga bata. Magpabakuna ‘ta karon pagkahuman asa man na mangadto ang mga bata? Naa ra man na sila sa balay,” sulti sa mayor.
Gidugang ni Duterte-Carpio, kung mabakunahan ang minors, human sa unom ka bulan, aduna na usay direktiba alang sa booster vaccine, hinungdan nga mamahimong useless ang bakuna tungod kay dili gihapon makagawas ang mga bata ilabina alang sa ilang pag-eskwela.
“Unya, after 6 months muingon napud bahaw na man na inyong bakuna pagpa-booster na mo. So, ibalik nyo muna yung F2F classes para maging useful ang bakuna. That is my personal opinion as a mother,” dugang niini.
Karong Biyernes (Pebrero 4, 2022) sugdan ang pilot run sa 5-11 years old vaccination sa National Capital Region (NCR). Samtang, ubay-ubay na usab sa mga 12-17 years old ang nabakunahan batok COVID-19 lakip na dinhi sa syudad sa Davao.
RadyoMaN Kirby Manzon
