Davao City – Giawhag ni Davao City Mayor Sara Duterte-Carpio ang publiko nga gilayong i-report sa Anti-Scam Unit sa City Government of Davao ang mga insidenteng pagpangilad aron makakuha og booster shots batok Coronavirus Disease 2019 (COVID-19).
Matud ni Mayor Sara (sa interbyu sa city-owned radio), andam nga mutabang ang lokal nga gobyerno sa mga insidenteng pagpangilad aron kini gilayong maaksyonan.
“Kung naa information ang mga tawo with regard to sa ingon ani (pangpangilad para sa booster shots), pwede nilang ireport sa atoang Anti-Scam Unit. Mao ‘ni siya ang gi-create nato nga unit sa City Government of Davao para sa kanang instances nga dunay mga pagpangalad nga gibuhat,” matud sa alkalde.
Saysay ni Mayor Sara, mamahimo usab nga direktang ireport ang insidente sa City Mayor’s Office aron mahisgutan ug maimbestigahan kauban ang Anti-Scam Unit.
Niadtong September karong tuiga, adunay gipasa nga resolusyon ang lokal nga panggamhanan sa Department of Health (DOH-XI) sa paghatag og booster shots apan alang lamang sa mga healthcare worker nga nagtrabaho sulod sa hospital.
RadyoMaN Kirby Manzon
