Davao City – Giklaro ni Davao City Mayor Sara Duterte-Carpio nga boluntaryo ug dili mandatory ang pagpailawom sa mga Public Utility Vehicle (PUV) drivers sa drive-thru swabbing subay sa Executive Order (EO) nga gipagula sa City Government of Davao.
Matud sa alkalde, bisan og negatibo ang resulta sa swab test, dili garantiya nga dili na kini matakdan sa Coronavirus Disease 2019 (COVID-19) sa mosunod nga mga adlaw.
“Ang atoang Executive Order voluntary ang testing it’s not mandatory because ang testing will only test you for today. Negative man ka today, 1 week after you may not be negative kay duna na kay exposure after 3 days. So, dili siya reasonable nga himuon siyang no test, no drive.. for the City Government of Davao,” saysay sa mayor.
Gipasabot usab ni Mayor Sara, dili ipailawom sa quarantine ang mga PUV drivers samtang nagpaabot sa resulta, apan kung positibo diha pa kini kuhaon aron i-isolate sa Treatment and Monitoring Facilities (TTMFs) sa syudad sa Davao.
RadyoMaN Kirby Manzon
