Davao City – Wala matud pay ginatago nga special treatment ngadto sa mga emoleyado sa gobyerno dinhi sa syudad Davao ilabi na og nalambigit sa di maayong binuhatan sama sa iligal nga droga.
Kini ang gibatbat ni Davao City Mayor Inday Sara Duterte atol sa pakighinabi sa DXDC RMN Davao kaniya.
“Kung kinsa tong madakpan or makita nga positive sa drug tests or gidudahan, we asked them to do rehab. Kung nadakpan, we immediately terminate them kung dili sila permanent employee sa city government. In this case auxiliary lang man so easily removable from the position. Siguro we will suggest a more frequent random drug tests,” segun ni Mayor Inday.
Subay kini sa nadakpang usa ka Davao Police Auxiliary nga giilang si Danny Boy Patulot alyas “Dandan”, 43 anyos ug residente sa Brgy. San Antonio Agdao ning dakbayan human napalitan og usa ka pakete sa gidudahang shabu nga nagkatindad og 14,000 pesos gani nakuhaan pa usab kini og dugang usa ka paketeng shabu.
Balhug na sa prisuhan ang dinakpan ug mag atubang kini og kasong adunay kalapasan sa Republic Act 9165 kun Comprehensive Dangerous Drugs Act of 2002.
RadyoMaN Renz Barbarona
