Mainit nga gisugat sa katawhan ang mga Pambato sa Hugpong Ng Pagbabago (HNP) kini human mitambong sa kasaulogan sa Araw ng Davao.
Usa sa mga init nga gisugat sa katawhan ug mga media mao si Sen. Bong Revilla nga gitapok-an sa bagang duot sa katawhan, gani wala kini gibiyaan hangtod nga wala mihatag ug pamahayag sa nagkadaiyang mga isyu.
Usa sa mga pangutana ngadto kang Sen. Revilla kun unsa ang iyang reaksyon sa Martial Law Extension sa Mindanao nga kung diin gibutyag niini nga wala siya’y pagsupak tungod kay wala may nagreklamo dinhi sa Mindanao ug gawas ni-ana hapsay ug malinawon sab ang Mindanao.
Bisan paman sa death penalty pabor sab si Revilla, ilabi na sa mga heinous crimes, plunderers ug kinahanglan sab ipil ang mga false accuser o sa mga nagpasaka ug mga imbentong kaso nga walay kamatuoran.
Mihatag sab ug reaksyon si Sen. Bong may kalabot sa pangutana nga si Davao city Mayor Sarah Duterte ang sunod nga pangulo sa Pilipinas.
Matod ni Revilla iya nang nakita nga si mayor sarah na ang mosunod sa tunob sa iyang amahan kung mo papili kini karong 2022 ug gani siya pa ang manguna nga mo endorso tungod kay daghan ug hiyas si Sarah Duterte sama kini sa kang Maria Clara kung molihok.
Dugang pa ni Sen Revilla, gawas nga buotan ug maalam, respetado sab si Mayor Sarah ug isa na niini nga hiyas nga kinahanglan sa pangulo mao ang iyang desisyon nga adunay ngipon.
