IGaCoS – Giawhag ni Island Garden City of Samal (IGaCoS) Mayor Al David Uy, ang mga establisemento sa isla nga magbaton og restroom alang sa lesbian, gay, bisexual, and transgender (LGBT) community aron malikayan ang diskriminasyon.
Kini ang gibutyag ni Uy (sa interbyu sa city-owned radio) human sa nahitabong insidente sa usa ka resort sa Talicud Island, IGaCoS, Davao del Norte human wala gitugotan sa resort’s personnel nga mogamit sa female CR ang usa ka transgender.
Nasabtan ni Uy ang palisiya sa kompanya apan gitataw niini nga dili maayo nga i-discriminate ang usa ka tawo labi na nga lahi na ang panahon karon kung itandi kaniadto, diin kinahanglan nga irespito ang nagkalain-laing sektor sa komunidad.
“It was, I think a misunderstanding and I think naa poy lapses pod nga nakita nako. Sa mga nakuha nako nga mga information, naa poy lapses ang resort.. Kung wala gyod silay facility (ang Isla Reta Beach Resort) for our transgender community, siguro I will encourage them to put facilities. But sa karon, kung wala pa then dapat paspasan nila nga magbutang gyod sila para ma-cater tanan,” segun ni Uy.
Sa pagkakaron, gina-review na sa lokal nga gobyerno ang plano nga magbaton og anti-discrimination ordinance, samtang ilang pakusgan karon ang kampanya kabahin sa gender sensitivity program alang sa ilang stakeholders.
“Gipatawag pod nako ang ubang mga departamento sa city nga I think we need to educate our stakeholders regarding gender sensitivity kay naa man ‘ni sa program nato kanang gender ang development. So i-intensify nato ang education campaign, ang seminars,” matud ni sa alkalde.
RadyoMaN Kirby Manzon
