Mayor Uy: Samal COVID-19 cases mitaas

30

Davao City – Gibutyag sa Local Government Unit (LGU) sa Island Garden City of Samal (IGaCoS) nga mitaas ang kaso sa Coronavirus Disease 2019 (COVID-19) sa ilang lugar.

Sa interbyu sa DXDC RMN Davao kang Al David Uy, mayor sa IGaCoS, gibutyag niini nga anaa na sa kinse (15) ang kaso sa COVID-19 sa Samal human kini nadugangan og tulo (3) ka kaso niadtong (July 1, 2020).


Sa maong kaso, onse (11) niini ang active cases, tulo (3) ang namatay ug usa (1) ang naka rekober.

“Eleven (COVID-19) active cases ang IGaCoS ‘ron pero naka isolate ni sila tanan. So, dili lang mag worry ang mga katawhan kay wala man ni nakauli sa ilang mga balay,” esplikar ni Uy.

Samtang, gikumpirma usab sa opisyal nga wala pay natalang local transmission sa virus sa lugar rason nga padayon ang ilang pagpatuman sa istriktong ‘health protocols’ batok COVID-19.

RadyoMaN Kirby Manzon

Facebook Comments