Davao City – Nag-warning si Tagum City Mayor Rey Uy sa mga naga-post ug nagapakatag og ‘fake news’ diha sa social media sama sa giingong sa karne sa iro naggikan ang siomai ug street foods nga ginabaligya sa ilang syudad.
Sa interview sa DXDC RMN Davao kang Mayor Uy, iyahang gibutyag nga walay kamatuoran ang maong impormasyon. Gani gikasuko niya ang pagka-iresponsable sa maong mga netizen nga makaapekto na hinuon kini sa panginabuhian sa nahisgutang ordinaryong vendors.
“Kanang ga-post gani sa Facebook, be responsible. Pagtuo nila’g nakatabang sila diha. How about kadtong gagmay nga ambulant vendors nga nagapamaligya’g siomai unya wala nay halin. Kadtong nag-post ato, kamoy mubayad?,” saysay ni Uy.
Gimandoan karon sa alkalde ang mga hingtungdang ahensya sama sa National Bureau of Investigation (NBI) o Cybercrime Unit/Division nga subayon ang maong mga naga-post og fake news, aron sila manubag sa balaod.
RadyoMaN Kirby Manzon
Facebook Comments
