Human nga nakadawat ug pasidungog ang lungsod sa Roxas, Zamboanga del norte isip Cities and Municipalities Competitiveness Index (*CMCI*) pinaagi sa pagpaningkamot ni Mayor Jan Henrick Vallecer.
Gipasalamtan ug gikalipay karon sa maong Mayor nga ang lungsod sa Roxas pinaagi sa iyang pagdumala anaa kini sa ikaduha nga pwesto isip Most Competitive LGU.
Naglaum usab siya nga karong tuiga mo saka napud ang level sa maong lungsod tungod kay nangita napud siya ug pamaagi nga mausab ang mga sistema ilabi na nga daghan kini ug mga kategorya ug mga tan awon nga anggulo nganong mo number one o mag number two ang usa ka lungsod.
Sa pagkakaron nag aplay naman si Mayor Vallecer ug 4p nga mao ang Private Public Partnership program tumong niini nga mahimo na siyang computerized ang tanang sistema sa ilang buhatan.
Tumong niini aron mapadali ang proseso sama nalang kung mo bayad ka sa buhis sa yuta owtomatiko na kining mo gawas sa sistema sa treasurer’s office ug dili na kinahanglan nga moadto paka sa assessors, saysay pa ni Mayor Vallecer.
Dugang pa ni Mayor Vallecer nanghinaot siya nga ma implementar na kini nga programa karong tuiga tungod kay kini karon ang salient point aron mo taas ang kategorya sa index competitive isip usa ka lungsod.
Kini karon ang pangitaan ug pamaagi ni Mayor Vallecer nga ilang makab-ot ang unang pwesto isip Most Competitive Local Government Unit dili lang sa Zamboanga del norte apan kun mahimo sa tibuok Zamboang Peninsula.
