Cauayan City – Nagpamalas ng pasasalamat at pagmamalasakit si Mayor Venus T. Bautista sa ginanap na LGU-Tumauini Solidarity Meeting sa Rudy B. Albano Astrodome.
Kasama sina dating Mayor Arnold S. Bautista, Vice Mayor Christopher B. Uy, at mga miyembro ng Sangguniang Bayan, namahagi si Mayor Bautista ng maagang pamasko at mga papremyo sa mga pinalad na nabunot sa raffle draw.
Sa kaniyang mensahe, pinasalamatan ni Mayor Bautista ang lahat ng Department Heads at empleyado ng lokal na pamahalaan sa kanilang dedikasyon sa serbisyo.
Hinikayat niya ang bawat departamento na mas pagbutihin pa ang kanilang trabaho para sa kapakanan ng mamamayan ng Tumauini.
Bilang bahagi ng kasiyahan, namahagi rin ng premyo si Mayor Bautista sa mga nanalo sa dance contest na sinalihan ng mga grupo mula sa iba’t ibang departamento.
Nagpaabot ng pasasalamat ang LGU-Tumauini Employees sa patuloy na suporta, pagmamahal, at kasiyahang hatid ng Pamilya Bautista at mga opisyal ng lokal na pamahalaan.
