*General Santos City— Gikatakdang magpahigayon ug panagpulong ang lokal nga panggamhanan sa dakbayan uban ang inter-agency task force kung unsa ang mga lakang nga himuon human nga gipailawom na sa Low Risk Area ang tibuok rehiyon 12 sa hisgutanang covid-19.*
*Sumala ni Gensan City Mayor Ronnel Rivera nga sa karon ilaha pang hisgutan kung unsa ang mga posibleng ipabilin nga mga sistema ug unsa ang tanggalon pag-abot sa mga protocols.*
*Dugang pamahayag sa Mayor, nga dili gihapon angayan nga mag-kumpyansa hilabina nga nagpabilin gihapon ang bahad sa makamatay nga virus.*
*Kini gumikan ang mga kasikbit nga lugar sama sa Davao ang aduna gihapo’y local transmision nga natala busa kinahanglan gihapon nga pahugtan ang mga boarder pasulod sa rehiyon.*
