Davao de Oro – Gi-awhag sa kagamhanang lokal sa lungsod sa Maragusan ang mga nag negosyo gamit ang social media nga magkuha og Mayor’s Certification alang sa proteksyon sa mga consumers.
Base sa post sa LGU Maragusan Fb page, kinahanglang dunay insaktong dokumento ang mga online business aron legal ang ilang negosyo ug aron ma-protektahan usab ang interest sa mga Consumer.
Dugang pa nga tumong niini nga aron dali lang pangitaon ang mga nagdumala sa higayong dunay mga kalapasan nga mahimo.
Ang maong kamandoan subay sa gipakusgang tax collection nga gipatuman sa matag lugar.
Gipasidan-an ang mga nalambigit sa online public market nga makig-alayon sa lokal nga panggamhanan aron mahatagan ug pagtugot, ang negosyo nga gitinguhang mapalambo.
Radyoman Jules Catisay
