Misamis Oriental – Pinagtatanggal din ang halos lahat ng gamit at kasangkapan sa mayor’s office sa bayan ng Tagoloan, Misamis Oriental.
Ayon kay Tagoloan Mayor Gomer Sabio – napilitan siyang mag-opisina sa kwarto na nakalaan sa human resource management team.
Aniya, apat na upuan, isang cabinet at isang cooler lamang ang kanyang nadatnan sa opisina.
Hinihinala nila na si dating Mayor Heckert Hernando June Emano ang nagpaalis ng mga gamit sa mayor’s office.
Sinabi ni Sabio na sinimulan na nila ang renovation ng kanyang opisina.
Wala na ring balak ang bagong alkalde na maghain ng reklamo laban sa kanyang political rival pero nais niyang malaman kung ang mga tinanggal na gamit ay pagmamay-ari ba ni Emano.
Matatandaang ganito rin ang sumalubong kay Cebu City Mayor Edgardo Labella matapos pagtatanggalin ni dating Mayor Tomas Osmeña ang lahat ng gamit mula kisame hanggang sahig.
