MCWD: Adunay water interruption karong gabie hangtud Mayo 9

63

CEBU CITY – Ang Metropolitan Cebu Water District kun MCWD adunay emergency water service interruption karong Sabado, Mayo 5 (10:00 p.m.) hangtud sa adlawng Dominggo, Mayo 6 (3:00 p.m.) nunot kini sa electro-mechanical nga problema sa MCWD Well sa Casili, Consolacion, Cebu.
Sa FB post sa MCWD, nangayo kini og despensa sa publiko tungod sa kahasol. Ang emergency water service interruption molungtad ngadto sa 17-ka-oras.
Makasinati ug low pressure to no water ang mga mosunod nga mga lugar: Consolacion, Elavated ug interior nga bahin sa Liloan, Mandaue, Mactan Island – Opon – Lapu-lapu City, Mabolo (ubos nga bahin), North Reclamation area, Pier area, Carreta, M.J. Cuenco Ave., Lorega San Miguel, Tejero, T. Padilla, ug ubang bahin sa Imus St., Cebu City.
Mohunong ang scheduled water service interruption karong Lunes, May 7 pero magpadayon kini sa Martes, Mayo 8 (11:00 p.m.) hangtud sa adlawng Miyerkules, Mayo 9 (5:00 a.m.) nunot kini sa power outage sa mga tabay sa Banilad ug Kasambagan sa siyudad sa Sugbo.
Nipahimangno ang MCWD sa publiko nga magpundo daan og tubig para sa nahisgotang water interruption nga molungtad hangtud 6-ka-oras.
Makasinati ug low pressure to no water ang mga mosunod nga mga lugar: Elevated ug interior nga bahin sa Banilad, Kasambagan, Apas, Lahug, Barrio luz, Camputhaw, Capitol site, Oprra, siyudad sa Sugbo.
Sa Miyerkules, Mayo 9 (11:00 a.m. to 5:00 p.m.), adunay laing scheduled water service upgrading work sa Orel St., Banilad, Mandaue City, Cebu. Ang Orel St., H. Cortes St., Basubas St., Panagdait, siyudad sa Sugbo nga molungtad hangtud unom ka oras. Ang nahisgotang mga lugar makasinati og low pressure to no water.

Facebook Comments