Davao City – Nagpahimangno karon ang Municipal Disaster Risk Reduction and Management Office (MDRRMO) Pantukan, Davao de Oro sa mga residente sa lugar ilabina kadtong anaa duol sa mga minahan, human sa nahitabong landslide partikular na sa Sitio Palo, Purok Ecoland, Barangay Napnapan, Pantukan sa probinsya, niadtong gabii sa Martes (Marso 8, 2022) diin upat (4) ka minero ang natalang casualties ug duha niini ang nagpabiling missing.
Sa interbyu sa DXDC RMN Davao kang Jason Valdez, Responder sa MDRRMO Pantukan, gisaysay niini nga kinahanglang hugot ang koordinasyon sa barangay sa mga residente nga naa sa critical areas ilabina ugaling adunay kusog nga mga pag-ulan.
“Dapat alert gyud ang mga tao nga naa sa mga critical nga area like kanang bukid nga napuno og tunnel bitaw,” matud ni Valdez.
Hinuon matud sa responder, wala nay mga residente duol sa lugar diin didto nahitabo ang landslide.
Nagpadayon usab ang gihimong retrieval operation aron makuha ang duha pa ka minero nga natabunan tungod sa pagdahili sa yuta resulta sa sagunson nga mga pag-ulan.
RadyoMaN Kirby Manzon
Facebook Comments
