Patay ang Municipal Disaster Risk Reduction and Management Officer sang banwa sang San Lorenzo, Guimaras matapos luthangon pasado alas 6 sini lamang nga gab-i (Marso 3).
Ginkumpirmar ni SB member Lino Galea sang nasambit nga banwa nga gin luthang patay ang MDRRM Officer nga si Exequiel Gabrieto.
Suno kay SB Galea nga yara sa ila tiyangge si Gabrieto sang ginsulod sang mga suspek kag ginbutong paguwa nga daw ginapilit nga paupdon.
Bangud nagapanginpadlus, gintiro ang biktima sang mga suspek kon sa diin nakaagum ini sang pilas sa ulo kag dughan nga gintunaan sang iya kamatayon.
Sakay ang mga suspek sa duha ka XRM nga motorsiklo ng madasig nga nagpalagyo matapos ang insidente.
Padayon pa nga gina-imbestigahan sang San Lorenzo PNP ang nasambit nga kaso agud matumod ang motibo sa likod sang pagpatay sa nasambit nga municipal official.
