MECQ sa barangay San Jose sa Sipalay gin extend

11

Ginpalawig ang pagpatuman sang Modified Enhanced Community Quarantine (MECQ) sa Barangay San Jose, ciudad sang Sipalay tubtub Oktubre 20.

Suno kay Mayor Ma. Gina Lizares, ini bangud sa indi pag-comply kag pagkooperar sang pila ka mga indibidwal sa mga barangay nga nagtuga sang delay sa RT-PCR swabbing kag contact tracing investigation.

Sa karon naka-lockdown ang bug-os nga Jose Miguel Village kag Aboitiz Village, pila ka mga panimalay sa Purok Mabinuligon, Red House kag Keymen’s Village, Doña Inez Village kag Don Jacob Village.

Ipatuman man sa lugar ang 9pm to 4am nga curfew subong man temporaryo nga suspendido ang mass kag church gatherings.

[image: image.png]

Facebook Comments