Davao City- Nagpaabot pa’g direktiba ug giya ang Davao City Police Office (DCPO) kabahin sa pagkuyog sa media sa himoong operasyon sa kapulisan batok gidiling droga.
Sumala ni Police Senior Inspector Maria Teresita Gaspan, DCPO spokesperson, ila pang gipaabot ang order ug guidelines kabahin niini.
Gustong masayran usab nila kung asa kutob lang tugtan ang media sa ilang pagkuyog sa mga operasyon.
Una niini gibutyag sa National Union of Journalist of the Philippines (NUJP) nga dili na kinahanglang mokuyog pa ang media sa ilang operasyon aron pamatud-an nga lehitimo ang ilang gihimo.
Sumala ni NUJP acting chairman Atty. Joe Clemente, dili na kinahanglan ang media sa mga operasyon aron lang pamatud-an nga legal ang ilang gihimo.
Matud ni Clemente, kung iligal ang ilang gihimo, pasakaan na lang ug kaso.
Kasamang Bernard Pantallon
