TACLOBAN CITY – Nababaraka yana an pamilya han usa nga media practitioner ha usa radio station ha Tacloban City tungod nga lima na ka-adlaw ini na-ireport nga nawawara tikang pa dida han lunes Pebrero 12, 2018.
Ginkilala an nawawara nga hi Gilbert Arteche.
Sumala han pamilya ni Arteche, lumakat ini ha ira panimalay dida han lunes nga nakasul-ot hin pula nga polo shirt, maong pants, black nga rubber nga shoes, ngan may dara nga shoulder bag.
Kumo usa nga reporter nga naka-assign ha Tacloban City Airport pirmi nakikit-an hi Arteche.
Nagpapasabot naman daw hiya kun may mga out of town nga lakat pero ini an syahan nga nga waray ini magpaabat. Hasta yana in diri na daw makontak an iya cellphone.
Nananawagan an pamilya hini nga kun hin-o man an may impormasyon ha kinamumutngan ni Arteche in pwede tumawag ha numero nga 0997-380-3638.
