Davao City – Mireklamo sa kwerpo sa kapulisan ang usa ka media practitioner human gihulga nga isumbong sa iyang asawa nga adunay kabit.
Sa blotter sa Tugbok PNP, mipatala si alyas Piolo, 37 anyos, minyo, nagpuyo sa Deca Homes Brgy. Tacunan, Davao City, tungod kay gihulga pinaagi sa text message sa cellphone gikan sa iyang uyuan nga si alyas Pogi, nagpuyo sa Marfori Heights, Davao City.
Gibutyag ni alyas Piolo nga alas 10:52 sa buntag iyang gisingil ang utang sa iyang uyuan apan nasuko kini ug mibalos hinuon og mensahe nga pagpanghulga.
Gidugang ni alyas Piolo nga mipadala og mensahe iyang uyuan nga nagkanayon “ayaw kug singla kay isumbong ta hinuon ka sa imo asawa nga duna kay kabit”.
Tungod sa mensahe wala mahimutang si alyas Piolo rason nga iyang gireklamo sa kapulisan ang iyang uyuan.
Ang kapulisan sa Tugbok mitambag sa media practitioner nga dad-on iyang reklamo sa barangay level aron didto sila maghusay sa iyang uyuan.
RadyoMaN Erin Lumosbog
