Ginpaidalum sang Police Regional Office 6 sa duha ka adlaw nga media relations seminar ang mga hepe sang kapulisan sa bilog nga Westdern Visayas lakip na ang ila tagsa ka Pulic Information Officers.
Ginhiwat ang Media Relations Seminar sa Diamond Jubilee Hall sa Mabini St. Iloilo City kon sa diin nagatuyo ini nga maka-establisar sang maayo nga relasyon ang kapulisan sa mga katapo sang Media.
Sa iya pagpamulong-pulong,. ginhatagan pagtamod ni PRO 6 director Brigadier General John Bulalacao, ginakkilala sini ang Media bilang partner sang kapulisan sa pagpalab-ot sang impormasyon sa mga pumuluyo angut sa mga gina-obra sang kapulisan.
Pinaagi sa nasambit nga seminar, matudluan ang mga pulis
kon paano magsabat sa mga interview sang media angut sa ila mga accomplishment kag bisan sa mga isyu batuk sa organisasyon.
Suno kay Bulalacao nga indi dapat magpalagyo ang mga pulis sa mga katapo sang media bangud ini ang palaagyan sang mga impormasyon nga dapat mahibaluan sang publiko angut sa trabaho sang mga kapulisan.
