Media role sa eleksyon gihisgutan sa UM forum

33

Davao City – Gilusad sa mga Mass Communication students sa University of Mindanao dinhi sa Davao City ang usa ka forum bahin sa unsay angay ug di angay buhaton sa media atol sa umaabot nga midterm 2019 elections.

Usa sa mga miisplikar sa forum mao si DXDC Radio Anchor Misel Miral-Galve kinsa mipaambit usab og pag tulun-an bahin sa role sa media atol sa eleksyon sama sa pagsibya og tinuod nga impormasyon, mamahimong patas, ingon man ang media magsilbing watchdog ug venue alang sa evaluation.


Ang maong aktibidad gititulohang ‘Dapat Tama! The Role of the Media in the Upcoming 2019 Midterm Elections’ diin gitambungan usab kini sa ubang mga media practioners sa dakbayan nga mipaambit sa ilang mga kahibalo gikan sa Mindanao Times nga Yas Ocampo, Mike Pasco ug Gem Avanceña sa TV5 ug ang Commission on Elections kun COMELEC XI spokesperson nga si Atty. Krisna Samantha Caballero.

Subay niini, gikalipay sa mga Masscom students ang nahitabong aktibidad diin matud pa dako kini og ikatabang kanila ilabi na sa mga buot musulod sa media industry.

RadyoMaN Renz Barbarona

Facebook Comments

From Advertisers