Medical assistance to indigent patients program, ma-access na sa 6 ka ospital sa Davao Del Norte

Gipalapdan pa sa Medical Assistance to Indigent Patients (MAIP) Program ang ilang serbisyo sa mga nanginahanglan og tabang medikal sa Davao del Norte.

Kini nahimong posible pinaagi sa Memorandum of Agreement (MOA) signing sa Department of Health Region XI ug Davao Regional Medical Center kauban ang unom ka mga pribadong ospital sa Tagum ug Panabo City.

Tumong sa maong programa nga matabangan ang mga pasyente sa ilang hospital bill kun ugaling sila madala sa private hospitals tungod sa emergency cases o kaha sila gi-refer sa DRMC.

Gikalipay kini sa usa ka senior citizen nga Rosalina Salang tungod kay matud pa niya nga pinaagi niini, dili na siya mabalaka kung ugaling aduna siya’y pamation ilabi na karon sa kapit-os sa panahon.

Ang MAIP usa ka programang hatod sa Department of Health’s Administrative Order 2020-0060 nga naglayong matutukan ang medikal ug pinasyal nga panginahanglan sa katawhan.

RadyoMan Ivy Parido