Davao City – Sa tan-aw sa Davao City Anti-Drug Abuse Council (CADAC) nga muagi pa sa Food and Drugs Administration (DFA) ugaling himoong medisina ang marijuana sama sa gibuhat sa ubang kanasuran nga karon nahimo nang legal ang pagpalit niini sa merkado.
Gipasabot ni CADAC officer Ronaldo Rivera nga ang FDA ang eksperto sa pag-determinar kun maka-adik ba o dili ang marijuana sama sa ginaduso sa pipila nga ma-legalize kini aron mahimo nga medisina.
Pero gibarugan ni Rivera nga makadaut sa pangutok ug pangisip sa tawo ang paghithit og marijuana diin mao kini ang rason ngano nalakip sa Republic Act 9165 kun Comprehensive Dangerous Drugs Act of 2002 ang naasoy nga droga.
Apan kun mabuhat og balaud ang pag-legalize sa marijuana, walay mahimo ang opisyal gawas sa pagsanong niini sanglit kana man ang katumanan sa pangandoy sa uban nga ma-legal ang mao nga matang sa droga dinhi sa Pilipinas.
RadyoMaN Joel Viray
