Davao City – Nagtoo ang Davao City Anti-Drug Abuse Council (CADAC) nga regulasyon lamang ang tuyo sa pagpanday sa Medical Marijuana Bill nga nakalusot na sa second reading sa Kongreso kun mga magbabalaud sa Pilipinas.
Kini ang lantaw ni CADAC Officer Ronaldo Rivera kalabot sa pag-legalisar sa marijuana nga gitinguha sa mga mababalaud nga makasulot sa ikatulong pagbasa ug makapasar una paman hingpit tak-opan ang session sa Ubos-Balay Balauranan.
Kampante si Rivera nga dili ra maabuso ang marijuana kay ang katoyoan lang man sa mga magbabalaud sa pag-legalize sa cannabis mao nga makamugna og tambal gikan niini sarang magamit sa pagpanambal sa nagkadaiya nga mga balatian.
Wala batia og kabalaka si Rivera sa posibilidad nga basin maghitak ang mga adik sa katilingban kung ma-legal na ang marijuana sa katarungan nga ang kuhaon lang man sa cannabis mao ang component nga dunay hiyas sa pagmugna og medisina ug dili kadtong elemento nga maoy hinungdan nga maadik ang tawo.
RadyoMaN Joel Viray
