Ipahigayon karong adlawa sa Barangay Linabo ning siyudad sa Malaybalay ang Medical Mission sa RMN DXMB Malaybalay.
Magsugod ang kalihukan sa alas otso sa buntag hangtud alas 3 sa hapon sa Covered Court, sa Barangay Linabo.
Lakip sa mga serbisyo nga mapahimuslan sa katawhan mao ang libreng medical check up, ibot sa ngipon, libreng masahe, libreng tambal, ug aduna usab ang Philippine Red Cross alang sa mga buot mo-donar ug dugo.
Ang mao nga medical mission mahitabo tungod sa tabang sa RMN Foundation, Tatak RMN Fans Club, Inc. 648 online fans, Tatak Tisoy Marketing, Barangay Konseho sa Linabo, Malaybalay City, ACS, IPI, Philippine Red Cross Bukidnon Chapter ug sa mga suking tigpaminawan sa RMN DXMB Malaybalay nga ang tumong ug tinguha mao ang pagserbisyo sa katawhan.
Ang maong akbitidad alayon sa ika-67 nga anibersaryo sa Radio Mindanao Networks kon RMN karong adlawa.
