Malampuson nga napahigayon ang medical mission kagahapong adlawa didto sa may brgy Uno, Katipunan, ning atong probinsya sa Zamboanga del norte sa pagpanguna sa RMN DXDR- dipolog.
Ang maong medical mission atol kini sa ika 65 nga anibersaryo sa Radyo Mindanao Network (RMN) isip pasalamat ngadto sa katawhan.
Nakigtambayayong usab ang buhatan sa gobernador nga mao ang ilang medical team sa paghatag ug mga doktor lakip na ang pipila ka mga tambal niini.
Aduna kini libreng check-up, alot, ibot sa ngipon ug masahe pinaagi sa sakop ni haring felimon O. Reambonanza dito sa Dapitan city.
Gidugok kini pag ayo sa mga katawhan nga anaa nanimuyo sakop sa nahisgutan nga brgy. Aron makapahimulos usab sila sa libreng medical.
Gani, adunay 37 kabuok ang natala sa mga nagpamasahe, 25 kabuok ang nagpa-ibot sa ngipon, 47 kabuok ang nagpa a lot, samtang 78 kabuok ang nagpa check-up.
Malipayon usab ang mga katawhan sa maong barangay tungod kay gawas nga libre ang check-up libre na usab ang mga tambal nga ilang nadawat gikan sa DXDR ug sa mga nisuporta sa maong medical mission.
Matod pa sa usa ka molupyo didto nga si Gina, manghinaot sila nga aduna pay lain nga medical mission sa umaabot pa nga mga tuig pinaagi sa RMN.
