Nagapanugyan ang medial team sa mga magasaksi sa dinagyang festival nga sigurduhon nga may balon nga tubig agud padayun ang hydration samtang nagasaksi sang dinagyang events.
Suno kay Joji Esper Marmolejo sang red cross kag kabahin sang medical team sang dinagyang festival, importante ang tubig ilabi na kun mainit ang panahon.
Siguraduhon man nga matomar ang bulong kun may ara sang maintenance.
Indi man magpalipas sang gutom bangud possible makatuga ini sang problema sa ikaayong lawas.
Kadungan sini nagpahayag si Marmolejo nga handa na ang red cross nga maghatag sang medical services sa dinagyang.
May 150 sila ka personnel nga ideploy sa 16 ka first aid station.
Nakaestambay man ang lima ka ambulansya sa lima ka judging areas.
May emergency room facility man ang red cross nga makahatag sang pauna nga pagbulong sa mga pasyente.
Photo from web
