CAUAYAN CITY- Isinusulong ni City Mayor Myla Ting-Que ang pagpapalawig ng Medical Tourism sa lungsod ng Tuguegarao.
Ito ay inihayag ni Mayor Ting-Que matapos dumalo sa pagbubukas ng kauna-unahang The Medical City Clinic sa lalawigan ng Cagayan ngayong araw, ika-10 ng Disyembre.
Ayon kay Mayor Ting-Que, ang bagong bukas na klinika sa lungsod ay magsisilbing karagdagang health care facility na magbibigay serbisyo sa mga residente ng Tuguegarao at mga karatig bayan at probinsya.
Aniya, labis nyang ikinagagalak ang bagong health care facility sa kanyang nasasakupan dahil nagsisimbolo ito na lalong nagiging maunlad ang lungsod ng Tuguegarao kung saan nararapat na makatanggap ang mga mamamayan ng pinakamagaling at pinakamaayos na health care provider.
Bukod dito, nabigyan rin ng oportunidad na magtrabaho ang mga lokal na mamamayan ng Tuguegarao sa industriyang ito at makapagsilbi sa kanilang Tuguegaraoans.
