Davao City – Gibutyag sa Philhealth nga pwedeng ma-cover ang mga medisina nga paliton kun kinahanglanon sa pasyente o miyembro.
Apan giklaro ni Kleah Dublin-Guevarra sa Philhealth XI atol sa pakighinabi kaniya ni RadyoMaN Misel Miral sa tulumanong Serbisyong Straight to the Point nga mamahimo lang ma-cover sa Philhealth ang mga medisinang kinahanglan alang sa pasyente atol sa admission sa ospital.
Sumala ni Guevarra nga adunay package sa mga medisina usab depende sa sakit kun diagnosis sa doctor apan dili makarga niini ang mga maintenance nga mga tambal ug take home medication.
Dugang niini, mamahimo usab ipa-reimburse ang mga medisinang napalit sa gawas sa ospital atol sa admission sa panahon nga dili available sa sulod ang mga tambal diin mamahimong itago ang resibo ug isumite sa billing sa section sa ospital ayha ma-discharge aron ma proseso ang reimbursement.
Subli usab gipahinumduman sa Philhealth ang tanang miyembro nga og mu-avail sa mga benepisyo, kinahanglan pa kining sutaon og pwede ba nila ma-avail ang packages.
RadyoMaN Renz Barbarona
