Gihulat karon sa Makar Police Station 2 ang resulta sa medico legal sa 9 anyos nga batang babaye nga estudyante sa barangay Lagao human gilugos sa lolo nga sikad drayber.
Kini ang gikumpirma ni Police Chief Inspector Patrich Elma aron mapasang-atan na og kaso ang suspek nga si Freddie Casubes nga nadakpan sa gasolinahan sa NLSA Road Lagao gahapon sa hapon.
Giangkon usab sa suspek na si Casubes usa ka sikad drayber ang salaod nga nagkanayong natintal siyang himuon ang krimen gumikan gitagaan siya sa amigo og pangpagahi sa iyang kinatawo.
Nasikop ang suspek pinaagi sa hot pursuit operation sa PNP human nagreklamo ang ginikanan sa biktima nga kini gilugos.
Sangko sad sa langit ang kasuko nga gibati sa ginikanan sa bata human nga nasayran nila ang panghitabo og nadakpan ang suspek.
Samtang gibutyag sa bata nga gisumbag siya sa tiyan og gihulga nga patyon kung magsumbong.
