Pagadian City – Kasong paglapas sa Akta Republika 9165 kun Comprehensive Dangerous Drugs Act of 2002 ang gi-atubang karon sa 20 anyos nga ulitawo human kining nadakpan sa gilusad nga Drug Bust Operation sa Purok Alindahaw, Barangay Lumbia ning syudad sa Pagadian alas 10:00 kagahapon sa buntag.
Giila ang nadakpan nga si Rolflan More Lim Bontuyan, 20 anyos, ulitawo, usa ka engine mechanic ug residente sa Block 8, Lot 10, Sunrise Village, Brgy. Tiguma sakop ning syudad.
Nakuha gikan sa posisyon sa dinakpan ang usa ka pakite sa gitoohang shabu nga maoy giila nga buy-bust evidence ug lain pang lima ka pakite sa ilegal nga druga ug mga drug paraphernalia.
Sumala sa Station Drug Enforcement Team sa Padian City Police Station gibana-bana nga mobalor sa P3,000 ka pesos ang market value sa nakumpiska nga shabu.
Ang suspek gipaslak na sa Pagadian City PNP Lock-up Cell.
