Davao City – Gipusil-patay ang usa ka mekaniko sa Brgy. Maniki, Kapalong, Davao del Norte bandang alas 7 sa kagabhion niadtong Hulyo 13, 2018.
Sa report gikan sa Davao del Norte Police Provincial Office, giila ang biktima nga si Isaac Punzalan, 29 anyos ug residente sa nasangpit nga lugar.
Subay sa inisyal nga imbestigasyon nga samtang migawas ang biktima sa ilang balay, gipusil kini sa mga wala mailhing suspek tumong sa tuong bahin sa lawas niini hinungdan sa hinanaling kamatayon.
Samtang narekober sa Scene of the Crimes Operatives kun SOCO gikan sa crime scene ang .45 pistola, 7 ka bala lakip ang 10 ka pekete sa gituohang shabu diin gidala na kini sa Davao Norte Crime Laboratory alang sa proper disposition.
Sa karon, padayon ang pag imbestiga sa kapulisan kabahin sa pagpusil-patay sa biktimang mekaniko.
RadyoMaN Renz Barbarona
