Sumala sa igsuon, nilakaw kagabie sa ilahang panimalay ang biktima nga si ROGER CONEJAR, 34 anyos, usa ka mekaniko dihang gitawagan kini aron ingong i-rescue ang nadaot nga company vehicle.
Sumala ni Police Major Jake Goles, Sasa Police Station Commander, sa traffic investigation nibangga ang gidraybang motor sa biktima pasado alas-9 sa gabie sa naka-stationary position nga Hino Dropside truck nga adunay boom sa Davao City Water District.
Matud ni Goles adunay water repair nga gihimo ang DCWD sa area diin nahitabo ang vehicular collision.
“Giingnan nako ang traffic investigator nato nga palaluman ang investigation nato kay considering nga kumpleto man pod ang warning signs ang boom truck and ano talaga ang factor bakit bumangga talaga siya doon sa lubotan sa boom nga nagtrabaho. Dili pa nato ma conclude ug on going pa (ang investigation) para makasigurado ta sa information nga atong mahatag,” sumala niini.
Gikustodiya sa Sasa Police ang drayber sa DCWD truck.
Nakahiagom og severe head ug body injury ang biktima hinungdan sa iyahang kamatayon, segun sa nirespondeng Davao Central 911 personnel.
Nangayo’g pinansyal nga tabang ang kabanay para mapagawas nila sa Rivera Funeral Homes ang biktima ug mahatod ngadto sa Centro Taguranao Matalam North Cotabato.
RadyoMaN Aimee Guinita
