MEMBRO SA POLICE MARITIME GROUP, PATAY HUMAN GIPUSIL KAGAHAPON SA WALA MAILANG SUSPEK SA LANAO DEL SUR SAMTANG SAKAY SA IYANG MOTORSIKLO

72

Patay ang usa ka membro sa police maritime group dihang gipusil kini, pasado alas-10:00 kagahapon sa buntag sa Barangay Bubong Camalig, lungsod sa Marantao, Lanao del Sur.
  Giila ni Lanao del Sur police director Col. Madzgani Mukaram ang biktima nga si Joel Apduhan, 31 anyos, kasamtangang na-assign sa Lake Lanao sa Marawi City isip membro sa PNP Maritime Group.  
Residente sa Tubod, Lanao del Norte si Apduhan.  
Matud pa ni Mukaram nga sakay sa iyang motorisklo ang biktima, kauban ang iyang higala nga nag-backride kaniya, dihang kalit kining gipusil sa wala mailang suspek nga naka-backride usab sa laing motorsiklo.  
Samad-pinusilan sa ulo ang hinungdan sa iyang hinanaling kamatayon.  
Kung kahinumduman nga niadtong Hulyo 30, patay usab ang usa ka pulis, nga na-assign sa Marawi MotorCorps, dihang gipusil kini sa wala mailang suspek sa susamang lungsod.  
Sakay gihapon sa motorsiklo ang biktima dihang gipusil kini sa suspek nga nag-angkas sa laing motorsiklo.
  Sama sa ulahing pagpamusil, wala masuta ang motibo sa kremin. (Divina M. Suson, August 19)

Facebook Comments