Patay diha-diha ang biktima sa pagpamusil nahitabo didto sa Special Civilian Armed *Forces* Geographical Unit Active Auxiliary (SCAA) Patrol Base, brgy. Bagumbayan, lungsod sa Sergio Osmeña mga alas 11:20AM.
Naila ang biktima nga si Jessie Dela Cruz Octan, hingkod ang pangidaron, menyo, membro sa SCAA, nagpuyo sa brgy. Pedagan, Sakop sa maong lungsod.
Ang biktima gipusil kini sa wala mailang suspetsado nga kung diin gikutloan kini sa iyang hinulamang kinabuhi human naka angkon ug samad sa walang bahin sa iyang abaga ug dughan.
Base sa taho sa kapulisan subay na usab sa pamahayag sa iyang kauban matod pa ang biktima nagbantay kini sa Post sa 5th IB, Phil army, SCAA Patrol Base, nakadungog matod pa siya ug sunod-sunod nga buto sa armas mga 500km ang gilay-on sa ilang kampo.
Hinungdan nga dali miresponde ang kauban niini ug mibalos ug pabuto ngadto sa mga supek, nakita usab niya ang usa ka armadong lalaki nga mipalayo na sa maong lugar.
Ang sakop sa 5th IB-Phil. Army ug kapulisan sa Sergio Osmeña padayon pa ang ilang gihimong imbistigasyon kung unsay ugat hinungdan sa maong pagpamusil.
