Pinagkakaguluhan ngayon sa social media ang kwelang mga memes sa karakter ng aktres na si Dimples Romana sa isang Kapamilya teleserye.
Ito ay matapos ilabas ang trailer ng season 3 ng serye kung saan makikita si Dimples a.k.a. Daniela Mondragon, na suot ang isang red dress, may dalang bahage at naglalakad sa kalsada.
Representasyon ito ng pagbaliktad ng mundo ni Dimples matapos ang mga ginawang kasamaan laban sa karakter naman ni Beauty Gonzales.
Ang trailer ng nasabing teleserye ay trending ngayon sa YouTube at mayroon nang halos 3.2 million views.
At dahil trending, hindi pinalampas ito ng mga Pinoy at ginawan ng memes ang trailer kung saan halos nalibot ng karakter ng aktres ang buong Pilipinas.
Ilan sa mga memes ay dinala ang karakter sa mga lalawigan sa ilang mga okasyon tulad ng pista at prusisyon at kalamidad tulad ng pagbaha.
Hindi naman ‘offended’ si Dimples sa mga memes tungkol sa kanyang karakter na para sa kanya ay pagmamahal pa ng fans.
